Дневник: „Вип“ во загуба од 6,9 мил.евра

Третиот мобилен оператор „Вип“ во првите три месеци годинава има оперативна загуба од 6,9 милиони евра. Според официјалниот извештај од „Мобилком Австрија“, сопственикот на „Вип“, приходите во првите три месеци од годинава изнесуваат 1,8 милион евра, а трошоците од почнувањето со работа во земјава достигнале шест милиони евра.„Вип“ почна да работи во Македонија во септември лани. На крајот од март имаше пазарен удел од 8,1 отсто.

Извор: (17.5.08). „Вип“ во загуба од 6,9 мил.евра. Дневник.

Нова Македонија: Третиот мобилен оператор со постпејд услуги

Третиот мобилен оператор во Македонија од вчера воведува постпејд тарифен модел со цена од 5,7 денари за една минута кон сите мрежи.
Како што соопштија од Вип, корисниците ќе имаат можност до 10 декември да станат постпејд корисници без да платат месечна претплата во наредните три месеци.
Третиот оператор воведува четири постпејд понуди со тарифни модели почнувајќи од 200 до 1.500 денари месечна претплата, со можност за избор на три Вип пријатели кон кои повиците и СМС пораките ќе се тарифираат по цена од 4 денари.
Постпејд корисниците ќе го користат префиксот 078, а главниот извршен директор на компанијата, Младен Пејковиќ, првиот постпејд му го даде на македонскиот музичар Влатко Стефановски.

Извор: (7.11.07). Третиот мобилен оператор со постпејд услуги. Нова Македонија.