Време: Дивидендата на први, а Сендреј во аут

Исплатата на дивидендата на акциите на АД Македонски телекомуникации ќе почне на 1 август, одлучија на вчерашното собрание акционерите на компанијата. На истата седница собранието донесе одлука за отповикување на членовите на одборот на директорите Атила Сендреј и Золтан Тисаи. На нивните места собранието ги избра Николај Ј.Б. Бекерс и Јанош Сабо за членови на одборот на директорите на АД Македонски телекомуникации.
Според одлуката, ќе биде извршена исплата на дивидендата за 2005 година во износ на 7,5 милијарди денари или 86,1 денари по акција.
Согласно со предлогот на одборот на директорите, сите акционери што биле регистрирани во Акционерската книга на АД Македонски телекомуникации на 20 јули 2007 година имаат право на дивиденда за 2005 година.

Извор: И.Б. (1.8.07). Дивидендата на први, а Сендреј во аут. Време.