Здружението “Отпор“, кое постојано укажува на злоупотребите на монополските претпријатија во Македонија, не е изненадено од последните информации дека македонските граѓани се повеќе се откажуваат од фиксните телефони. Според Јанко Стојковски, еден од лидерите на “Отпор“, трендот на откажување на фиксните телефони не е од вчера, туку од многу поодамна.
Јанко Стојковски тврди дека граѓаните во Македонија се повеќе осознаваат дека МТ им наплатуваат астрономски цени за фиксните телефони, кои не можат да се идзржат. Само во Штип, вели Стојковски, околу 10 илјади претплатници се откажаа од фиксните телефони, или околу 40 отсто. Вкупно, штипјани за 30 милиони минути ги намалија јавувањата преку фиксните телефони. Но, трендот за намалување на користењето на фиксните телефони ќе продолжи и во иднина. Ако Македонски телекомуникации, или “Маѓар телеком“ не ги намалат цените, наскоро ќе мора да стават и клуч, додава Јанко Стојковски.Инаку, според “Отпор“, штипјани најмногу комуницираат преку СМС пораки, а фиксните телефони се повеќе стануваат луксуз за граѓаните.
Извор: К.Манев. (13.8.2007). Околу 10 илјади штипјан откажаа од фиксната телефонија. Нова Македонија.
Претплати се на:
Коментари на објава (Atom)
Нема коментари:
Објави коментар