Вест: Поевтин роаминг и до 80 отсто

"Роамфрее Мобилнет" вчера ја отвори првата продавница во Скопје. Компанијата нуди и до 80 отсто поевтини роаминг разговори во 133 земји од оние што ги нудат мобилните оператори во Македонија. Компанијата продава свои СИМ картички за мобилна телефонија. Корисникот добива нов телефонски број, а сметката се надополнува со ваучери во вредност од 10, 20 и 50 евра.
"Роамфрее Мобилнет" влезници повици кон Албанија, Грција, Бугарија, Хрватска Косово, Англија, Германија и Австрија не ги тарифира. Се наплаќаат само повикувачките повици и тоа, повик од Албанија чини 0,45 евра минута (околу 28 денари за минута), од Грција - 0,55 евра (околу 34 денари), од Бугарија - 0,72 евра(околу 45 денари), од Хрватска - 0,45 евра(околу 28 денари), од Косово, од Англија и од Германија - 0,50 евра (околу 31 денар), а од Австрија - 0,59 евра (околу 36 денари).
Според "Роамфрее Мобилнет" цените се исти независно дали барате фиксен или мобилен број.
СИМ картичката може да се користи на било кој мобилен апарат.

Извор: (2.8.07). Поевтин роаминг и до 80 отсто. Вест.